د افغانستان کرېکټ بورډ پرون دوشنبه (د زمري ۱۳مه) په کابل کې د یوې خبري ناستې پرمهال له پاکستان او اماراتو سره د درې اړخیزې لوبلړۍ لپاره د کرېکټ ملي لوبډلې ۲۲ کسیز نوملړ اعلان کړ.
د «علین» اکادمۍ ټکواندوکارانو چې د احمد مصطفی علین تر څارنې لاندې فعالیت کوي، د اسلاماباد په «ITA Taekwondo Champion» سیالیو کې ۱۴ د سر و، سپینو او برونزو مډالونه وګټل. دغه ورزشکاران چې تر ۱۷ کلنۍ کم عمره کسانو په کټګوریو کې راځي، نجونو او هلکانو له خپلو سیالانو سره سیالۍ وکړې.
د افغانستان د فوټبال فدراسیون د ۲۰۲۴ کال د فوټسال غوره کسان اعلان کړل. اکبر کاظمي چې د صداقت کابل لوبډلې ملي ستوری لوبغاړی دی، د کال غوره لوبغاړی وټاکل شو.
د فوټبال نړیوالې ادارې (فیفا) ویلي، د افغان ښځینه کډوالو لوبډلې په سیډني کې د استعداد پېژندنې کمپ کې ګډون وکړ. فیفا ویلي، چې دا لمړی ځل دی، چې افغان کډوالې ښځې له هېواد څخه بهر په رسمي کمپ کې راټولې شوې دي.
د پاکستان کرېکټ بورډ (پيسيبي) د افغانستان، پاکستان او متحده عربي اماراتو ملي لوبډلو ترمنځ د درې اړخیزو ۲۰ اوریزو سیالیو رسمي مهالوېش رسنیز کړ.
د افغانستان کرېکټ بورډ اعلان کړی، چې سبا پنجشنبه د شپږيزه لیګ د لسم پړاو سیالیو پایلوبه د مس عینک اتلان او امو نهنګانو لوبډلو ترمنځ تر سره کېږي. کرېکټ بورډ ویلي، چې دغه سیالۍ به په ځايي وخت د سهار پر لس بجې پيل شي.
په کابل کې د شپږیزه کرېکټ لیګ روانو سیالیو په لړ کې د امو نهنګانو لوبډلې پیلیز توپ وهونکي نور الرحمان د چټکې سلیزې ریکارډ په خپل نوم کړ. هغه د بند امیر ښامارانو لوبډلې پر وړاندې په ۴۰ توپونو سلیزه وهلې او په یاده لوبه کې یې په ټولو ۴۳ توپونو ۱۱۵ منډې جوړې کړې دي.
د شپږیزه کرېکټ لیګ په ۱۷مه لوبه کې امو نهنګان لوبډلې بُست ساتونکو ته د ۷۷ منډو په توپير او مس عینک لوبډلې بیا بند امیر ښامارانو ته د ۷۲ منډو په توپير ماتې ورکړل. امو نهنګان او مس عینک لوبډلې د دې سياليو پايلوبې ته لار پيدا کړه.
نن سېشنبه د ( زمري ۷مه) د شپږیزه کرېکټ لیګ سیالیو پر دوام به د امو نهنګانو لوبډله د بُست ساتونکو پر وړاندې او په دویمه لوبه کې به د بند امیر ښامارانو لوبډله د مس عینک اتلانو پر وړاندې د لوبو ډګر ته ښکته شي.
نن د شپږیزه کرېکټ لیګ په ۱۵مه لوبه کې بند امیر ښاماران لوبډلې د بُست ساتونکو لوبډلې ته په ۳ درېیو ویکټو او په ۱۷مه لوبه کې بیا د سپین غر پړانګانو د مس عینک اتلانو ته د ۵۰ منډو په توپیر ماتې ورکړه.
د شپږیزه کرېکټ لیګ سیالیو پر دوام؛ نن به د دغه سیالیو لومړۍ لوبه د بُست ساتونکو او د بند امیر ښامارانو لوبډلو ترمنځ او دویمه لوبه به له غرمې وروسته د امو نهنګانو او سپین غر پړانګانو ترمنځ وشي.
د افغانستان ځوان او بااستعداده سوکوهونکی محمدرضا صفري د MaddogsBoxing په نوم د یوه معتبر سازمان لهخوا د برېتانیا د کال غوره بوکسر وپېژندل شو. نوموړي په تېر یوه کال کې ځلانده کارنامې ترسره کړې دي، چې په پرلهپسې ډول اتلولۍ ته رسېدلی دی.
ټاکل شوې ده، چې د بدن جوړونې افغان لوبغاړی فرهاد ساپی د ۱۴۰۴ کال د وږي میاشتې په ۸مه نېټه د نړۍوالو اماتور المپیا سیالیو لپاره رومانیا ته ولاړ شي او له خپلو سیالانو سره سیالي وکړي. نوموړي تر دې دمه د بدن جوړونې په بېلابېلو سیالیو کې اووه نړۍوال مډالونه ګټلي دي.
د غور ولایت د غره ختونکو فدراسیون په مرغاب ولسوالۍ کې د دوه ورځنۍ غره ختنې یوه برنامه په بریالیتوب سره ترسره کړه. دغه برنامه چې د پنځو غره ختونکو په ګډون جوړه شوې وه، په بریالیتوب سره پای ته رسېدلې ده.
د طالبانو د المپیک، بدني روزنې او سپورټ ریاست وايي، چې د چین په کوربه توب د ووشو په اسیايي سیالو کې افغان ووشو کارانو یو د سپنو زرو او یو د برنزو مډال وګټل.
د افغانستان د کرېکټ ملي لوبغاړي محمد نبي له ایران نه هېواد ته له را ستنو شویو افغانانو سره چې دمګړۍ د کابل د کډوالو په پنډغالي کې مېشت دي، د یو میلیون افغانیو نغدي مرسته وکړه. نوموړي ویلي، چې دغه وضعیت ښه درک کوي ځکه دا حالت پرې د مهاجرت پر مهال تېر شوی دی.
د افغانستان کرېکټ بورډ خبر ورکړی چې د کرېکټ اسیايي جام مهالوېش اعلان شوی او افغان لوبډله به د سپټمبر پر ۹مه نېټه د هانګکانګ پر وړاندې لومړنۍ لوبه وکړي. دغه اتلولي په متحده عربي اماراتو کې ترسره کېږي.
د افغانستان د وزلوبې، نیزهوهنې او نورو دودیزو لوبو فډراسیون اعلان کړی، چې د یما پټرول د وزلوبې ټیم کپټان پهلوان ګلبدین تاشقرغاني د دې ادارې د تخنیکي او فني کمېټې له لوري د ۱۴۰۳ کال د غوره او بااخلاقه کپټان په توګه ټاکل شوی دی.
د کرېکټ اسیايي شورا مشر محسن نقوي ویلي، چې د ۲۰۲۵ کال اسیا جام سیالۍ به د سپټمبر له ۹مې د همدې میاشت تر ۲۸ مې د متحده عربي اماراتو په کوربهتوب ترسره شي. د کرېکټ اسیا جام سیالیو کې د ۸ هېوادونو لوبډلې په دوو ګروپونو کې یو د بل په وړاندې لوبیږي.
د شپږیزه کرېکټ لیګ په لسم پړاو سیالیو کې نن دوه لوبې کېږي. لومړی لوبه د بُست ساتونکو او د مس عینک اتلانو لوبډلو ترمنځ کېږي چې دا مهال د کابل په نړۍوال کرېکټ لوبغالي کې پیل شوې ده.
په کابل کې د شپږیزه کرېکټ لیګ په لسم پړاو سیالیو کې سپین غر لوبډلې تر څلورو ماتو وروسته په پنځمه لوبه کې بند امیر لوبډلې ته د څلورو وېکټو په توپیر ماته ورکړه او ورسره یې په یاد لیګ کې لومړۍ بریا هم خپله کړه.
د مس عینک اتلانو پیلیز توپوهونکي خالد تڼیوال نن د امو نهنګانو په وړاندې په ۵۲ توپونو ۱۰۲ ناسوځېدلې منډې جوړې کړې. نوموړی د شپږیزه کرېکټ لیګ په لسم پړاو سیالیو کې لومړی توپوهنونکی شو، چې دغه کارنامه یې په خپل نوم ثبت کړه.