د افغان ابدالیانو (الف) کرېکټ ملي لوبډلې د سریلانکا له الف لوبډلې سره د را روانې څلور ورځنۍ (ټېسټ) سیالیو لپاره د بشپړ چمتوالي په موخه تمرینات ترسره کړي. یادې سیالۍ به د را روانې سې شنبې په ورځ پیل شي.
د افغانستان د کرېکټ ملي لوبغاړی او په نړیواله کچه مشهور ستوری راشد خان وايي، افغان ملي لوبډله د کرېکټ نړیوالې شورا د لوی ټورنمنټ ګتلو ته چمتو ده. ښاغلي خان دا خبره د اسټرالیا ملي لوبډلې له پخواني لوبډلمشر مایکل کلرک سره په یوه پوډکاسټ کې کړې ده.
د افغانستان په کوربتوب د ایرلنډ او سریلانکا درې اړخيزه اتلولي د سریلانکا الف کرېکټ لوبډلې خپله کړه او په پایلوبه کې يې ایرلنډ ته په ۵ ویکټو ماتې ورکړه. کوربه افغان ابدالیان کرېکټ لوبډلې د دې سياليو په څلورو لوبو کې یوه بريا او درې ماتې وخوړې.
افغان ابدالیان لوبډلې د اکسپلور افغانستان د درې اړخیزې لوبلړۍ دریمه لوبه کې له ایرلنډ الف لوبډلې ماته وخوړه. افغان لوبډلې د پچې ګټلو سره توپ وهلو ته مخه کړه او د ټولو لوبغاړو په سوځېدو یې۱۷۳ منډې هدف وټاکه.
د ازادو سیالیو یو افغان لوبغاړی احمد سهیل حسن زاده چې په امریکا کې ژوند کوي، د جنسي تېري په تور له نیول کېدو وروسته د UFC سازمان سیالیو له نوملړه اېستل شوی دی.
په پاکستان کې د بابا ګورو نانک په نوم د کبډۍ درې اړخيزه سيالۍ د پاکستان ملي لوبډلې وګټلې. په دې سياليو کې د کوربه پاکستان، هند او ایران د کبډي لوبغاړو برخه اخیستې وه.
د افغانستان او نيپال له ۱۹ کلنو کم عمره کرېکټ لوبډلو ترمنځ د اورښت له کبله د لوبې له نه کېدو وروسته افغان لوبډلې د کرېکټ نړیوالې شورا د ۲۰۲۶ کال نړیوال جام ته لار ومونده. افغانستان په دې سياليو کې خپلې لومړۍ درې لوبې په لوی توپير ګټلې وې.
د پاکستان د ځوانانو د سکواش لوبغاړو په ملبورن کې د استرالیا د ځوانانو سکواش اتلولۍ کې څلور د سرو او یو د سپینو زرو مډال وګاټه. په دې سياليو کې د پاکستان دوو نجونو او دوو هلکانو اتلولۍ په خپل نوم کړې.
د کرېکټ د نړیوالې شورا یوه ویاند ویلي، د افغان ښځینه کرېکټ لوبډلې لپاره د خپل مالي ملاتړ د پلان عملي کولو کې د هندوستان کرېکټ بورډ، د اینګلینډ او ویلز او د اسټرالیا د کرېکټ اداره مرسته کوي او د افغان کرېکټ بورډ بودیجه نه کموي.
افغان ابدالیان کرېکټ ملي لوبډلې نن د اکسپلور افغانستان درې اړخیزې لوبلړۍ کې د ایرلنډ الف لوبډلې ته په۷ویکټو ماته ورکړه. په دغه سیالیو کې دا د افغان ابدالیانو لومړۍ بریا وه چې د ایرلند پر وړاندې یې ترلاسه کړه.
په تبعید کې د افغانستان د ښځینه وو کرېکټ ملي لوبغاړې د کرېکټ نړیوالې شورا (ICC) له لوري د مالي ملاتړ ژمنې هرکلی کوي او وايي، مالي ملاتړ به د افغانستان د ښځینه وو کرېکټ لوبدلې لپاره هیله بښونکی وي.
د افغانستان د ۱۹ کلنو کرېکټ ملي لوبډلې نړۍوال جام ته د غوراوي پړاو سیالیو کې تر عمان وروسته د هانګ کانګ لوبډلې ته هم ستره ماتې ورکړه. افغان لوبډلې د هانګ کانګ لوبډلې د ۷۰ منډو هدف په ۱۵م اور کې د خپلو دوه لوبغاړو په زیان سره بشپړ کړ او دغه لوبه یې د ۸ ویکټو په توپیر وګټله.
د افغانستان د فوټسال ملي لوبډلې د مراکش د ډلبندۍ په څلور اړخیزو سیالیو کې د چین فوټسال ملي لوبډلې ته ماتې ورکړه. د افغانستان د فوټسال ملي لوبډله بېګا شپه له چینايي لوبډلې سره مخامخ شوه او په پای کې یې ۶-۲ په توپیر بریا خپله کړه.
د افغانستان نوولس کلنې کم عمره کرېکټ ملي لوبډلې نړۍوال جام ته د غوراوي پړاو په لومړۍ سیالۍ کې د عمان لوبډلې ته ستره ماتې ورکړې.
د کرکټ نړیوالې شورااعلان وکړ چې له خپلو شریکانو سره په ګډه د هغو افغان ښځینه لوبغاړو لپاره یو ځانګړی صندوق جوړوي، چې د طالبانو د محدودیتونو له امله له هېواده وتلې او اوس جلا وطنه دي.
پرتګالي فوټبالر کریسټیانو رونالډو په خواله رسنیو کې ویلي، د هالیووډ سینما له یوه مشهور فلمي لارښود سره یې فلمي صنعت پیل کړی چې د ده په ژوند کې یو په زړه پوری بدلون او نوی فصل دی.
افغان ۱۹ کلنو کرېکټ ملي لوبډلې د نوولس کلنو نړۍوال جام د غوراوي پړاو سیالیو لپاره تمرینات ترسره کړل.
د پاکستان غوره لیګ دویمه او د نن ورځې سیالۍ کې، پېښور زلمي ټاس وګاټه او د توپ اچونې پریکړه یې وکړه. لومړی توپ وهنه کوټه ګلېډیټرز وکړه او په ټاکل شویو ۲۰ اورونو کې یې د ۳ لوبغاړو په سوځېدو سره ۲۱۶ منډې جوړې کړې.
د کرېکټ نړیوالې شورا له ۱۹ کلنو کم عمره لوبغاړو نړیوال جام د غوراوي لپاره د افغان لوبډلې مهالوېش اعلان کړ، چې له ۵ لوبډلو سره سیالۍ لري. د دغه مهالوېش له مخې افغان لوبډله سبا له عمان لوبډلې سره خپله لومړنۍ سیالي کوي.
د پاکستان کرېکټ بورډ خبر ورکړی، چې نن د کرېکټ غوره لیګ لسم پړاو سیالۍ د ۶ لوبډلو ترمنځ پيل شوې. د پاکستان کرېکټ غوره لیګ سیاليو کې د پېښور زلمي، کوټه ګلډيټرز، کراچۍ کینګز، لاهور قلندرز، اسلام اباد یونایټيډ او ملتان سلطان لوبډلې یو د بل سره لوبيږي.
د افغانستان کرېکټ بورډ خبر ورکړی، چې افغان ابدالیان لوبډله ایرلنډ ته تر ماتې وروسته افغانستان ته ستنه شوې او له سریلانکا سره د څلور ورځنۍ لوبې لپاره تمرینات پيلوي. کرېکت بورډ ویلي، چې سریلانکا الف لوبډله هم د درې اړخيزې لوبلړۍ لپاره متحده عربي اماراتو ته رسېدلې.
افغان ابدالیانو په څلور ورځنۍ لوبه کې د ایرلنډ الف لوبډلې ته د یوې پاڼۍ او ۱۹۴ منډو په توپير ماتې ورکړه. په دې سیاليو کې افغان لوبغاړي عرب ګل مومند د ایرلنډ لس لوبغاړي وسوځول او د لوبې غوره لوبغاړی وټاکل شو.